गजल १५ ~ उद्धेश्य न बुझी मन पराउनु हुन्न साथी

उद्धेश्य न बुझी मन पराउनु हुन्न साथी।
माया प्रेम बाध्यतामा गराउनु हुन्न साथी॥

तिमी मेरो म तिम्रो स्विकारन बिन्ती।
नाना भाती वकाल्दै कराउनु हुन्न साथी॥

फल मिल्छ परिश्रमको लालच नगर्नु।
संघर्ष त गर्नु पर्छ डराउनु हुन्न साथी॥

नगर प्रयास साथ पाउन एकोहोरो।
बर्षे भेल जिद्धी गर्दै तराउनु हुन्न॥

लेखेको पाईन्छ भाविले दृष्य यो पापी छ।
बेअर्थका कल्पनामा हराउनु हुन्न साथी॥

कृष्ण पौड्याल
बम्घा एक गुल्मी