गजल ०६ ~ जिवनको वास्तविक कोर्दैछु आज साथी

जिवनको वास्तविक कोर्दैछु आज साथी।
टुक्रिएको धड्कनलाई जोर्दैछु आज साथी॥

अ सम्भव छ मिलन तड्पिनुको के अर्थ।
मित्रताको साईनो मैले तोड्दैछु आज साथी॥

चिनी सकें सबैलाई अब धोका खान्न भनी।
बिगतका दु:ख मैला सोर्दैछु आज साथी॥

गल्ली गल्ली भौंतारिंदै हिड्नु मैले ब्यर्थै भयो।
मञ्जिल भेटाईन घुम्टी मोड्दैछु आज साथी॥

आँशु पुछ्ने कोही हुन्न हासो लुछ्ने धेरै छन।
स्वार्थी त्यो संसारलाई छोड्दैछु आज साथी॥

कृष्ण पौड्याल
बम्घा एक गुल्मी