गजल ०१ ~ अनगिन्ती छन प्रेमका खातका कुरा नगरौं

अनगिन्ती छन प्रेमका खातका कुरा नगरौं।
जिन्दगिनै पछुताउने बातका कुरा नगरौ॥

मद्दत गर्न सक्दैनौ त दु:ख किन दिएको।
जरो सँगै खोदेपछी पातका कुरा नगरौ॥

कालो बादल फाटेर घाम लाग्ला सोँचेको थें।
जुन अस्तायो पुर्णिमाको रातका कुरा नगरौं॥

हासो बाटेर के भयो र आँशु एक्लै पिएको छु।
भिरमा पुग्दा धकेल्नी हातका कुरा नगरौं॥

धनी गरिब सानो ठुलो ठानेको त थिईन मैले।
सम्बन्धनै छुटेपछी जातका कुरा नगरौं॥

 कृष्ण पौड्याल
बम्घा एक गुल्मी