गजल ४६ ~ कस्तो होला भविष्यमा शहर जिन्दगिको

कस्तो होला भविष्यमा शहर जिन्दगिको।
बेग्लै संसार बसाउने रहर जिन्दगिको॥

कल्पनामै अंगालेर सागर तर्ने गर्छु।
अजिव छ यो नसालु जहर जिन्दगिको॥

अतित फर्कि आउदैन भविष्य कस्ले देख्यो।
देख्छु स्वपना रमणिय प्रहर जिन्दगिको॥

माया प्रेम प्रतिक्षाले गर्नु सम्म गर्यो आज।
दिन रात तड्पाईकै लहर जिन्दगिको॥

को हौ तिमी कहाँ छौ खोज्दा खोज्दै थाकिसकें।
भेट्न पाए गरिहाल्थें ठहर जिन्दगिको॥

कृष्ण पौड्याल
बम्घा एक गुल्मी